१५ बर्षकी केटीको यस्तो गडबड

 

३ वर्षअघि आफु १२ वर्षकी हुँदा सोया कियाभेनीले तल्लो वस्त्र मात्र लगाएर उत्तेजक मोडलिङ गर्दा धेरैले अनुमान गरेका थिए ΄भविष्यमा केही गडबड गर्छे यो केटीले’ । बेलायतको क्लेभेल्याण्डकी ती किशोरीले गडबड गरेको देख्न आरिख धेरै समय कुर्नुपरेन ।
१५ वर्षकी सोया गर्भवती भएकी छिन् र उनको पेटमा अहिले १६ हप्ताको गर्भ छ । सानै उमेरमा चर्चित बनेकी सोया आफ्नो बढिरहेको पेट देखाउँदै गर्भले भन्छिन् म निकै चलाख आमा बन्दैछु । १७ वर्षका प्रेमी जेक ग्रेसँगको लसपसपछि गएको मे मा उनको गर्भ रहेको थियो ।
गर्भ रहेको थाहा पाउँदा आफुलाई सुरुमा डर लागेपनि पछि निकै उत्साही बनेको उनी बताउँछिन् । उनकी बेरोजगार आमा जानिसलाई भने अविवाहित छोरी गर्भवती भएकोमा चिन्ता परेको छ । हुनत छोरीलाई आफ्नै घरमा ब्वाइफ्रेन्डसँग बस्ने सुविधा उपलब्ध गराएपछि एक दिन यो दिन देख्नु नै थियो ।
तर आफ्ना अरु ४ छोराछोरी पाल्न समेत हम्मेहम्मे भएका बेला सानी छोरीले गर्भ बोकेपछि अब घरका कोठा नपुग्ने भएकाले उनलाई चिन्ता थपिएको हो । के गर्नु ? छोरी मच्चिँदा कुनै दिन थच्चिन्छे भन्ने कुरा पहिल्यै नबुझेपछि ।