चार वर्षदेखि म निरन्तर यौनरोगीको उपचार र परामर्शमा क्रियाशील छु । नेपाल वान टेलिभिजनको रात्रि कार्यक्रम 'रात परेपछि'मा मसामु थुप्रै महिला/पुरुषले यौन समस्या राख्छन् । महिला फोनमा समस्या सुनाउँदा हिच्किचाइरहेका हुन्छन्, भेटेर समस्या सुनाउँदा पनि लाज मान्छन् । पुरुष भने निष्पिmक्री समस्या भन्छन् । धेरै महिलाका समस्या साझा हुन्छन् । उनीहरू भन्छन्, 'पुरुषहरू यौनसम्पर्कका वेला महिलाको रुचि छ/छैन विचार गर्दैनन् । मायाको नाममा पुरुषले महिलाबाट शारीरिक आवश्यकता मात्र पूरा गर्छ । महिलाको चाहना ख्यालै गर्दैन, आफू स्खलित भएपछि चटक्कै छाडिदिन्छ । उसले यौन महिलाको पनि आवश्यकता हो भन्ने बुझ्दैन । ऊ यौनका मामलामा निकै आक्रामक हुन्छ ।'
यौनसम्बन्धी खुलेआम छलफल गर्न धक मान्ने नेपाली समाजमा टेलिभिजन, फोन वा प्रत्यक्ष परामर्श सजिलो माध्यम बन्दै छ । फोनमा कतिले सामान्य समस्या सुनाउँछन्, कतिले असामान्य घटना । केही समयअघि एक युवतीले फोन गरेर भनिन्, 'मेरो श्रीमान् प्रतिष्ठित एनजिओमा काम गर्नुहुन्छ । राति ढिलो घर फर्किनुहुन्छ । सुत्ने वेलामा अठ्याउनुहुन्छ र जबर्जस्ती मलाई खेलाउनुहुन्छ । मलाई यौनइच्छा हुँदैन र सम्पर्क गर्दा पनि निकै दुख्छ । उहाँ मबाट असन्तुष्ट हुनुहुन्छ र अर्को बिहे गर्छु भनेर धम्की दिइरहनुहुन्छ । मैले के गर्नुपर्ला ?' ती महिलालाई मैले अफिसमा बोलाएँ र चेक गरेँ । उनको योनिमा संक्रमण रहेछ । त्यसैले यौनसम्पर्कका वेला दुख्ने रहेछ । उपचारपछि उनी ठीक भइन् र अहिले उनीहरूको दाम्पत्य जीवन राम्रै चलिरहेको छ । अर्को शिक्षित दम्पतीको समस्या आएको थियो । श्रीमान् काठमाडौंबाहिर जागिर खाने, श्रीमती यतै । ६ महिनापछि घर आएको श्रीमान्लाई पनि विभिन्न कारण देखाएर श्रीमतीले घर पसेको १ घन्टामै फकाईदिइन् । श्रीमान् घर आउने खबरले श्रीमती निकै विचलित हुने रहिछन् । कारण रहेछ, श्रीमान्ले बलजफ्ती गर्ने रहेछन् । त्यो सम्पर्क सधैं पीडादायी हुने रहेछ र उनीहरू डिभोर्स गर्ने मुडमा पुगेका रहेछन् । निकै लामो काउन्सिलिङपछि मैले पत्ता लगाएँ- श्रीमतीको पाठेघरमा संक्रमण रहेछ । समस्या समाधान भएपछि उनीहरू डिभोर्स नगर्ने मनस्थितिमा पुगे ।
महिलाको प्रमुख यौन समस्या 'सेतो पानी बग्ने' हो । उनीहरूलाई के भयो, कसलाई भन्ने होला, के गर्ने होला भन्ने तनाव हुन्छ । यौनसम्पर्क पीडादायी हुन्छ । श्रीमान्ले, 'तैंले कहाँबाट एड्स/भिरिंगी सारेर आइस्' भन्दै श्रीमतीलाई झम्टिन्छ । यस्ता समस्या सुनाउन धेरै महिला दैनिक आउँछन् । उदयपुरकी एकजना दिदी योनिबाट सेतो पानी बग्ने समस्या लिएर आएकी थिइन् । विदेशबाट आएको श्रीमान्ले 'रोग कहाँबाट सारिस् ?' भन्दै कुटेर माइत लखेटेछ । ती पुरुषलाई बोलाएर मैले सम्झाएँ, 'सेतो पानी बग्ने समस्या बच्चालाई पनि हुन्छ, बिहे नगरेकी महिलालाई पनि हुन्छ ।' उपचारपछि उसले श्रीमती अपनायो । अर्को एकजना महिलालाई यौनसम्पर्क गर्दा योनि पोल्दोरहेछ, उनी मकहाँ आएर उपचार गराइरहेकी छिन् । पछि उसैको श्रीमान् आएर 'मलाई शीघ्र स्खलन छ ढिलो स्खलन हुने औषधि दिनुपर्यो' भन्यो । श्रीमती यौनसम्पर्कबाट भाग्न खोज्ने, श्रीमान् सम्पर्क-अवधि लम्ब्याउन चाहने । कस्तो विरोधाभाष ? श्रीमतीको योनिमार्गमा घाउ रहेछ । उपचारपछि उनीहरूको समस्या हट्यो ।
मैले क्लिनिकमा दैनिक १५ भन्दा बढी बिरामीको यौन-समस्या सुन्नुपर्छ । महिला थोरै हुन्छन् । उनीहरू समस्या लुकाएर बस्छन्, खुलेर छलफल गर्न धक मान्छन् । यौन-शिक्षाको अभावले यस्तो हुन्छ । एउटा रमाइलो घटना छ- एक दिन ८२ वर्षे हजुरबाकी १८ वर्षे नातिनीले फोन गरिन् । उनका हजुरबाले एकैचोटि चार सय एमजीको भियग्रा सेवन गरेर जसलाई पायो उसैलाई झम्टिँदा रहेछन्, चाहे कुनै महिला होस् वा कुकुर, बाख्रो, गाई, भैंसी । सामान्य मान्छेले ७५/८० एमजीभन्दा बढी भियग्रा सेवन गर्दैर्नन् । मैले ती नातिनीलाई हजुरबालाई दैनिक 'स्लिपिङ ट्याब्लेट' सेवन गराउन सल्लाह दिएँ । स्लिपिङ ट्याब्लेट सेवन गरेको समयमा यौनेच्छा सम्भव छैन । अहिले उनको हजुरबाको त्यो समस्या हटेको छ ।
पुरुषमा मृत्युको क्षणसम्म शुक्रकिट निर्माण जारी रहन्छ र ऊ सम्भोग गर्न समर्थ हुन्छ । महिलामा भने ४०-४५ को उमेरतिर रजनोवृत्तिको स्थिति देखापर्छ जसले उनी सन्तान उत्पादनमा असमर्थ हुन्छिन्, उत्तेजनामा कमी आउँछ तर सम्भोगानन्दमा कमी आउँदैन । सम्भोग भनेको महिला/पुरुष दुवैले बराबर भोग्नु हो । हामीकहाँ सम्भोग कहाँ हुन्छ र ! प्रायः पुरुष मात्रै भोग्छ । महिलाले आफ्ना लागि होइन, श्रीमान्का आनन्दका लागि सम्पर्क गर्छन् ।
महिलाहरू मकहाँ थुप्रै यौन-समस्या लिएर आउँछन् । बिहे नगरेका महिला हस्तमैथुनको असर सोध्न आउँछन् । दैनिक हस्तमैथुनले कालान्तरमा हानि गर्छ तर इच्छा लागेमा सातामा ३/४ पटक गर्दा खासै हानि हुँदैन । यौन-समस्याकै कारण घरबार बिगे्रका उदाहरण थुप्रै छन् । तर, अहिले राजधानीका एफएम रेडियो र टेलिभिजनले फोनबाटै यौन परामर्श दिइरहेका छन् । यौनमनोविज्ञ तथा डाक्टरहरूलाई यौनसम्बन्धी समस्या सुनाउनेहरूको संख्या बढ्दो छ । तालिमप्राप्त परामर्शदाता र डाक्टरहरू पीडितको समस्या समाधान गर्न तत्पर रहन्छन् । डाक्टरसँग सल्लाह लिन आउने सेक्ससम्बन्धी रोगीहरू अधिकांश २५-३० उमेरका नै हुन्छन् । यो उमेर समूह नै यौनको कुरामा ज्यादा अलमल र भ्रान्तिमा पर्छ । उमेर बढ्दै जाँदा यौनको तरिकामा परिपक्वता, आनन्दमा वृद्धि र अनुभवमा ज्ञान थपिँदै जान्छ । व्यक्तिको सबै कुरा व्यवस्थित र सन्तुलित छ भने ६०-६५ वर्षसम्म पनि महिला/पुरुषको सेक्स क्षमतामा कमी आउँदैन । त्यसपछि यौनक्षमता केही कम हुन्छ । म महिला/पुरुषलाई यौन आनन्दको म्याद बढाउने पहिलो सर्त स्वास्थ्य उत्तम हुनु हो भन्ने सल्लाह दिन्छु ।
टेलिभिजनमा, पर्सनल फोनमा वा हस्पिटलमा परामर्श दिँदा फोनकर्ताको नाम, ठेगाना पूर्णरूपमा गोप्य राखिन्छ । त्यसैले परामर्शदातासँग गरिएका हरेक फोन गोप्य रहन्छन् । सकेसम्म टेलिभिजनको कार्यक्रममा फोनमा समस्या राख्नेलाई भेट्न चाहन्नँ । समस्या गम्भीर रहेछ भने मात्रै भेट्छु । महिलाहरूका यौन उत्तेजनामा कमी, महिलाको यौनांगको आकार खुकुलो, गर्भावस्थामा यौनसम्पर्कले गर्भ तुहिएको, विवाहपूर्व र विवाहपछि यौनसम्पर्क, वक्षस्थलका आकार, गर्भाधान आदिबारे बढी जिज्ञासा आउँछन् । कतिपय युवती बजारमा पाइने सस्ता सेक्स टोय र मसाज गर्छन् । अनि योनि दुख्ने, चिलाउने, कालो हुने समस्या आएपछि हामीकहाँ आउँछन् । मेरोमा आइपुगेका यौन समस्या हेर्दा धेरै विवाहपूर्वको यौनसम्बन्ध र सुरक्षित यौनबारे बुझ्न चाहन्छन् । समलिंगी, हाडनाता करणी, सामूहिक यौनका समस्या पनि आउँछन् । मैले १३ वर्षे युवतीदेखि ५३ वर्षका महिलासम्मको यौन समस्या समाधान गर्ने प्रयत्न गरेको छु ।
यौन परामर्श सुविधा र उपचारलाई अझ व्यापक बनाउनुपर्छ । बन्द समाजको कारण हामीकहाँ यौन विकृति झांगिन थालेको छ । यौनविज्ञानलाई राम्रोसँग बुझेको र सानातिना यौन-समस्यालाई सामान्य रूपमा लिएर हल गर्ने दम्पतीले यौन आनन्दको आजीवन उपयोग गर्न सक्छन् । सम्भोग जवानीमा मात्रै प्राप्त हुने आनन्द होइन, यो आजीवनका लागि प्राप्त ईश्वरीय बरदान हो । स्वस्थ यौनजीवनका लागि दुई कुरामा ध्यान पुर्याउनुपर्छ- एक भोजन, दुई व्यायाम । सन्तुलित भोजन, पौष्टिक, क्यालोरियुक्त खानाको सेवन र नियमित व्यायामले महिला/पुरुषलाई स्वस्थ यौनजीवन बाँच्न सघाउँछ ।
No comments:
Post a Comment