बि्रटेनमा युवा महिला म्यानेजरले पुरुषको भन्दा बढी तलब पाउन थालेको सर्वेक्षणले देखाएको छ । मंगलबार सार्वजनिक भएको सर्वेक्षणको प्रतिवेदनअनुसार युवा महिला म्यानेजरको वाषिर्क तलब २१ हजार नौ सय ६९ पाउन्ड रहेको छ । यो तलब उही उमेर समूहका पुरुष म्यानेजरको भन्दा करिब ६ सय पाउन्ड बढी हो ।
तर, चार्टर्ड म्यानेजमेन्ट इन्स्िटच्युटका अनुसार सबै समूहका महिला म्यानेजरको हिसाब गर्दा भने अहिले पनि महिलाले पुरुषको तुलनामा २५ प्रतिशत कम तलब पाउँछन् । सर्वर्ेक्षण करिब ३४ हजार म्यानेजरमा गरिएको थियो । यसैगरी, सर्वेक्षणमा तलबमा भेदभावसम्बन्धी सरकारी तथ्यांकको पनि प्रयोग गरिएको थियो ।
सर्वेक्षणअनुसार गत वर्ष २० नाघेका फुलटाइम काम गर्ने महिला म्यानेजरले आफ्नै उमेर समूहका पुरुषले भन्दा २.१ प्रतिशत बढी कमाएका थिए । एक दशकभन्दा बढीदेखि महिला शिक्षामा हासिल गरेको उपलब्धिका कारण युवा महिला म्यानेजरले पुरुषको भन्दा बढी कमाउन सफल भएको सर्वेक्षणकर्ताले बताएका छन् ।
तर, पुरुष कार्यकारी प्रमुखले महिलाको तुलनामा वाषिर्क रूपमा दश हजार पाउन्ड बढी कमाउने गरेको सर्वेक्षणमा उल्लेख छ । सर्वेक्षणमा करिब ३५ हजार कार्यकारी प्रमुखको तलबको अध्ययन गरिएको थियो । पुरुष र महिला कार्यकारी प्रमुखबीचको पारिश्रमिकको खाडल गत वर्षभन्दा यो वर्ष ५ सय पाउन्ड बढी भएको छ । महिला कार्यकारी प्रमुखको तलब पनि पुरुषको तुलनामा बढी रहेको छ । महिला कार्यकारी प्रमुखको तलब यही दरमा बढेको खण्डमा अबको सय वर्षमा मात्र महिला र पुरुषको तलब समान हुने चार्टर्ड म्यानेजमेन्ट इन्स्िटच्युटले बताएको छ ।
तर, निम्नस्तरका महिला कार्यकारी निर्देशकको हकमा भने पुरुषको तुलनामा महिलाले केही बढी कमाएको देखिएको छ ।
चार्टर्ड म्यानेजमेन्टका पोलिसी तथा रिसर्च निर्देशक पेर्टा विल्टन भन्छिन्, 'निम्नस्तरका महिला निर्देशकले पुरुष सहकर्मीबराबर कमाउँदा हामी खुसी भएका छौँ । तर, यस वर्षको सर्वेक्षणअनुसार निजी व्यापारिक संस्थाले महिला र पुरुषबीचको तलबको भेदभाव बढाइराख्न सहयोग गरेको देखिएको छ । पुरुष कार्यकारी प्रमुखलाई बढी तलब दिँदा सम्भावित महिला क्षमता एक्लिएको छ ।'
यस्तो भेदभावपूर्ण व्यवस्थापनले बि्रटिस बिजनेसलाई नराम्रो असर गरेको पनि उनले बताइन् । यस्तो भेदभाव हटाउन सबैले पहल गर्नुपर्ने पनि पेर्टाले बताइन् ।
No comments:
Post a Comment