फाल्गुनन्द सडक हुँदै दैनिक बिस ट्रक भन्दा बढी काठ झापा आँउदै

सरकारले बन पैदावरमा ओसार पसारमा प्रतिबन्ध लगाएपनि इलामको चुरिया क्षेत्र तथा यहाँका सामुदायीक बनहरुमा रुख काटिने तथा बन तस्करिमा कुनै कमि नआएको बताइएको छ ।
इलामको चुरीया क्षेत्र हुदै झापाको दमक आउने फाल्गुणानन्द सडक भएर रतुवा खोलाको बगर नै बगर दैनिक रुपमा बिस ट्रक भन्दा बढी काठ झापा आउने गरेको प्रत्यक्षदर्शिहरुले बताएका छन ।
सरकारले सरकारी तथा सामुदायीक बनमा बनपैदावरमा रोक लगाएकोले निजि बनको कु काठ भनेर कागजपत्र बनाएर काठ तस्करी भइरहेको श्रोतले बताएको छ ।
दैनिक रुपमा बिस ट्रक भन्दा बढी उतिशको गोलिया भन्दै झापाको दमक हुँदै बिभिन्न ठाँउमा काठ पुर्याइने गरेको हो ।
ट्रकको माथिमाथि उतिशको काठ राख्ने र तल सखुवा लगायतका बहुमुल्य काठका टुनाहरु ल्याइने गरेको समेत श्रोतको दाबी रहेको छ ।
इलामको एक सामुदायीक बनका अध्यक्षका अनुसार जिल्ला बन कार्यलय बाट निजि बनको उतिशको काठ ओसार पसारका लागी केहि ट्रक काठको छुटपुर्जि बनाएर दिनदाहाडै काठ तस्करि भइरहेको छ ।
यसमा बन कर्मचारी बाटामा रहेका रेाजपोष्ट र प्रहरीहरुको समेत अप्रत्यक्ष संलग्नता रहने गरेको जनाइएको छ ।
निजि बनको कु काठ भनेर सरकारी तथा सामुदायीक बनको र चुरिया क्षेत्रका रुखहरु काटिने गरेको बताइएको छ ।
जिल्ला बन कार्यलय संग अनुमति लिएर र टाँचा लगाएर निजि बनको कु काठ ओसारपसार गर्न पाइने र यसमा सरकारको प्रतिबन्ध नलाग्ने भएकाले यसरी नै कागज पत्र बनाएर काठ तस्करि भइरहेको जानकारहरुको भनाइ रहेको छ ।
दैनिक रुपमा बिस ट्रक भन्दा बढी काठ यो एउटा सडक मात्र भएर आइरहेको र निजि बनको काठ भन्दै बन मास्ने क्रम नरोकिएको प्रतयक्षदर्शिहरुले बताउने गरेका छन ।
इलाका प्रहरी कार्यलय दमक प्रमुख नबिन कार्कीले निजि बनको कु काठ भनेर कागज पत्र बनाएर काठ ल्याइएको पाइएकाले त्यसलाइ नरोकिएको बताउनु भएको छ ।
निजि बनको उतिशको काठ भनेर जिल्ला बन कार्यलयबाट ने अनुमति लिइएको कागजपत्र उनिहरुको साथमा रहने गरेको कार्कीले बताउनु भयो ।
सबै गाडी भित्र के छ भनेर चेक गर्न असम्भब हुने र कागज पत्र हेरेर छाडने गरेको प्रहरीको भनाइ रहेको छ ।
प्रत्यक्ष दर्शिहरुले भने प्रहरिको संलग्नता बेगर दैनिक रुपमा यति धेरै काठ आउन नसक्ने बताउदै आएका छन ।
इलामका सामुदायीक बन र चुरिया क्षेत्रमा तिब्र रुपमा काठ तस्करि भइरहेको र निजि बनको भन्दै यसलाइ बैधानिकता बन कर्मचारिहरुले दिइरहेको इलाम साख्पाराका बिद्यालय शिक्षकले बताउनु भयो ।
खुलेर कोहि बोल्न नसक्ने र ज्यान नै जोखिममा पर्ने भएकाले आफुहरु चुप लागेका ति शिक्षकले बताउनु भयो ।जिल्ला बन कार्यलय इलामका निमित्त प्रमुख रामश्वार्थ शाहले निजि आबधिक जग्गाको कु काठ ओसारपसार प्रतिबन्ध नलागेको र त्यो त्यहि काठ भएको बताउनु भएको छ ।
सामुदायिक तथा सरकारी बनको काठ नकाटिएको भन्दै बनका कर्मचारीहरुले टाँचा लगाएर र उनिहरुकै अगाडी लोड भएर ति काठ जाने समेत उहाँको भनाइ थियो ।
दैनिक रुपमा इलाम हँदै झापा ट्रकका ट्रक काठ आइरहेको बिषयमा झापाका प्रमुख जिल्ला

अधिकारी शशिशेखर श्रेष्ठले बन अधिकृत संग आफु कुरा गर्ने र बुझ्ने बताउनु भयो ।