अनुहारभन्दा नाक ठूलो

पहिलोपटक उदयपुरको रामपुर गाविसको पानीट्यांकी पुग्ने जोकोहीलाई स्थानीय छविमाया बस्नेतलाई हेर्ने मन हुन्छ। कारण, उनको अनुहारभन्दा नाकको आकार ठूलो हुनु। उनको नाक देखेर मानिसहरू अचम्मित हुने गरेका छन्। सामान्यतया मानिसको नाक अनुहारभन्दा सानै हुन्छ। तर, ६० वषर्ीया बस्नेतको नाक भने अनुहारभन्दा ठूलो भएपछि उनलाई देख्ने जोकोही पनि अचम्मित हुने गरेका छन्।

जिल्लाको पूर्वी गाविस रामपुर-२ की बस्नेत आफ्नो नाक अनुहारभन्दा ठूलो भएपछि यताउता हिँड्नसमेत समस्या हुने गरेको बताउँछिन्। तर, उनको यो नाक भने जन्मजात होइन, २० वर्षको उमेर हुँदा सुन्निएर यस्तो भएको हो। उपचारका लागि विभिन्न ठाउँ गए पनि बस्नेतको नाकको आकार घट्नु त परै जाओस्, उल्टै दिन-प्रतिदिन बढ्ने गरेको छ।