निद्रा खलबलिएमा स्मरणशक्ति प्रभावित

मुसामा गरिएको एक अध्ययनअनुसार निद्रा खलबलिएमा स्मरणशक्ति प्रभावित हुन सक्दछ । अमेरिकाको स्टेनफोर्ड विश्वविद्यालयमा भएको शोधका अनुसार ठिकसँग निंद नआएका कारण जनावरहरुमा परिचित वस्तु पहिचानमा पनि समस्या आउने गर्दछ ।
बेलायतका एक निद्रा विशेषज्ञका अनुसार मष्तिस्कले गहिरो निंदका क्रममा दिनभरका घटनााहरुको समीक्षा गर्दछ र यो तय गर्दछ कि कुन सञ्चय गर्ने कुनलाई नगर्ने । यो अध्ययनमा आप्टोजेटेटिक्स नामको प्रविधिको प्रयोग गरिएको थियो । जसमा केही विशिष्ठ कोशिकाहरु जीन सम्बद्र्धनबाट तयार गरिन्छ । किनकि प्रकाशबाट नियन्त्रित गर्न सकियोस् ।
शोधकर्ताहरुले मुसाको मष्तिस्कका ती कोशिकाहरुमा प्रकाशको तरङ्ग पठाए जुन सुत्ने र ब्युझने स्थितिबीच महत्वपूर्ण भूमिका निर्वाह गर्दछ । यसको अर्थ उनीरुले मुसाको निंदको समयावधिलाई प्रभावित नगरीकन त्यसमा व्यवधान उत्पन्न गराए । यसपछि त्यसलाई एउटा डिब्बामा राखियो जहाँ दुई प्रकारको वस्तु राखिएको थियो, जसमध्ये एउटा मुसाले पहिला नै देखेको थियो । सामान्यतः मुसा नयाँ वस्तुलाई हेरिरहन्छन् । जुन मुसाको निंदमा कुनै खलल पुराइएको थिएन उ नयाँ वस्तु हेर्ने र चिन्ने  प्रयासमा लागे तर जुन मुसाको निद्रा बिथोलिएको थियो उ दुवै वस्तु हेर्ने प्रयासमा लाग्यो  ।यसको अर्थ खलबलिएको निंदका कारणबाट उसले पहिला देखेको वस्तु याद गर्न सकेन ।
शोधको नेतृत्व गरेका डा. लुई डी लेसियाका अनुसार कयौ प्रयोगात्मक स्थितिहरुमा जसमा स्मरणशक्ति प्रभावित हुन्छ जस्तो अल्जाइमर्स, ठिकसँग निद्रा आउँदैन । अलबलिएको निद्राले मानिसलाई पनि प्रभावित गर्दछ । जसमा रक्सीको लत हुन्छ या उनीहरुमा स्लीप एपनियाको शिकार हुन्छन् । उनीहरुको गला सुतेका बेला सुख्खा हुन्छ जसबाट पुरा अक्सिजन भित्र पुग्न सक्दैन र रोगीको निद्रा खुल्ने गर्दछ । डा. लेसियाले भनिन्, हामीले यो निष्कर्ष निकालेका छौ कि यसबाट कुनै फरक पर्दैन कि को कति समयसम्म सुत्यो वा कति गहिरो निद्रा निदायो । तर राम्रो स्मरणशक्तिका लागि बिना व्यवधान निद्रा अत्यन्त आवश्यक छ । ब्रिटिश स्लीप सोसाइटीका पूर्व अध्यक्ष तथा निद्रा विशेषज्ञ डा. नील स्टेन्ली भन्छन्, दिनभरमा हामी सयौ यादहरु संकलन गर्दछौ, त्यसैले कुनै न कुनै समय त्यसको प्रशोधन गर्नु आवश्यक छ। केही वस्तु यस्ता हुन्छन् जसलाई स्थायी स्मृतिमा बन्द गर्नु पर्दछ । यो प्रक्रिया गहिरो निद्राको समय मै हुन्छ, त्यसैले यदि निद्रामा व्यवधान हुने हो भने यो प्रक्रियामा त्यसको असर पर्दछ ।
डा. स्टेन्लीका अनुसार यो कुराको प्रमाण स्लीप एपनोइयाबाट पीडित मानिसहरुमा स्मृतिहरु कैद गर्नुमा देखिने समस्या हो । निद्रामा व्यवधानका कारण दिनमा मानिस निकै थकान महशुस गर्दछ र स्मरणशक्ति गुमाउन लाग्दछ ।