यौनसम्पर्कबिनै गर्भधारण

h

यौन समागमबिना पनि प्राणीले गर्भधारण गर्न सक्छ भन्ने कुरा पत्यार लाग्ने कुरा होइन। तर, हालै वैज्ञानिकहरूले तिममा नामको कीराले यौनसम्पर्कबिना प्रजनन गर्ने तथ्य पत्ता लगाएका छन्। अमेरिकाको पश्चिमी तटको झाडीमा पाइएको उक्त कीराले अलैँगिक प्रजनन गर्छ। क्यानाडाको सिमोन फ्रेजर युनिभर्सिटीका वैज्ञानिकहरूले यो नयाँ तथ्यको उजागर गरेका हुन्। उनीहरूका अनुसार उक्त कीराले एक्लै प्रजनन गर्ने क्षमता राख्छ।

अग्लाहरूलाई क्यान्सरको खतराअग्लो मानिसलाई क्यान्सर रोग लाग्ने सम्भावना बढी हुने एक अध्ययनले निष्कर्ष निकालेको छ। अक्सफोर्ड युनिभर्सिटीले गरेको एक अध्ययनले यस्तो निष्कर्ष निकालेको हो। अध्ययनका अनुसार प्रतिचार इन्च उचाइमा क्यान्सरको खतरा १६ प्रतिशतले बढी हुन्छ। पाँच वर्षको अवधिमा १० लाख महिलामा गरिएको अध्ययनपछि यस्तो निष्कर्षमा अध्ययन टोली पुगेको हो। अध्ययनका अनुसार उचाइ बढाउने रसायनका कारण त्यस्तो हुन्छ। अध्ययनका अनुसार ५ दशमलव ९ फिट उचाइ हुने मानिसमा ५ फिटभन्दा कम उचाइ हुने मानिसको तुलनामा क्यान्सर हुने सम्भावना ३७ प्रतिशतले बढी हुन्छ।

बच्चालाई असर

आफूभन्दा ठूला मानिसले मदिरा पिएको देखेर अधिकांश बच्चा डराउने गरेको अध्ययनले देखाएको छ। बि्रटेनमा १० देखि १४ वर्ष उमेर समूहका १ हजार २ सय बालबालिकामाझ गरिएको अध्ययन अनुसार ५० प्रतिशत बालबालिका आफ्ना अभिभावकले मदिरा पिएर रसिाएको देख्दा डराउँछन्। अध्ययनले निरन्तरको यस्तो प्रक्रियाका कारण बच्चाहरूमा पनि मदिरा पिउने बानी बस्न सक्ने संकेत गरेको छ। अध्ययनमा सामेल ५० प्रतिशत बच्चाले आफू ठूलो भएपछि मदिरा पिउने इच्छा राखेको बताएका थिए।