प्रोफेसरले गुरुदक्षिणा मागे सेक्स

विद्यार्थीका लागि शिक्षक अभिभावक समान मानिन्छ । यसैले होला हरेक आमाबुबा आफ्ना छोराछोरीले स्कुल, कलेज तथा विश्वविद्यालयमा असल बानी, सीप र ज्ञान आर्जन गर्नेमा ढुक्क हुन्छन् । तर केहि खराब आचरणका शिक्षकहरुले गर्दा शिक्षाको मन्दिर कलंकित बन्ने गरेको छ । छोरीचेलीमाथि गूरुहरुकै कुदृष्टि पर्न थालेपछि अभिभावकहरुलाई पर्नु चिन्ता परेको छ । भारतको राजस्थान विश्वविद्यालयको भौतिक शास्त्र विभागमा पीएचडीमा अध्ययनरत एक छात्रालाई उक्त शैक्षिक उपाधी दिलाए वापत दुई सहायक प्रोफेसरले सेक्स गूरुदक्षिणा माग गरेका छन् ।

सुरुमा छात्राले विश्वविद्यालय प्रशासनमा आफूमाथि भैरहेको सेक्सुअल हृयारेसमेन्टबारे लिखित उजुरी गरेकी थिइन् । तर यसमाथि कुनै छानबिन नै नभई घटनालाई लुकाउने प्रयास भयो । केहि नलागेपछि अन्ततः छात्राले गान्धीनगर प्रहरीमा उजुरी गरेकी थिइन् । यसपछि आरोपित प्राध्यापकहरु ऋषिकुमार सिंघल र एसएन डालियालाई प्रहरीले गिरफ्तार गरी अनुसन्धान थालेको थियो ।
पीडित छात्राको अनुसार उनी गाइड सिंघल र को-गाइड डोलियाको मार्गनिर्देशनमा पीएचडी गरिरहेकी छिन् । फ्रब्रेवरीमा ल्याबमा जाादा आफू एक्लो भएको र सिंघलले अनुसन्धान पेपर प्रकासित भैसकेको भन्दै हात समाएर जवरजस्ती गर्न खोजेको छात्राको आरोप छ । चिच्याउदै सेक्सको लागि राजी नभएपछि सिंघलले पिएचडीको लागि जे गर्न पनि तयार हुनुपर्ने बताएको छात्राले प्रहरीलाई बताइन् । आफ्नो अनुहार पोर्न तस्वीरमा राखी साइटमा सार्वजनिक गरी सिंघलले बदनाम गरेको समेत छात्राले रुदै भनिन् ।
केहि समयसम्मको अनुसन्धानपछि प्रहरीले सिंघललाई दोषी ठहर्‍याई कानुनी कारबाही गर्ने भएको छ भने डोलियाको सम्बन्धमा भने कुनै निर्णय सार्वजनिक भैसकेको छैन ।